قصيده تحكي حالتك هذا اليوم .

هلا وغلا بالجميع

حياكم الله وبياكم

سلامن من الله عليكم

ارجو من الجميع المشاركه وياحبذا تكرارها حسب تغير الاحول يعني ما اوصيكم اريد ان يكون الموضوع اول القائمه يومياَ.

وابدها انا بهذه القصيده






في ليال حالكات . . . أرسل الدمع شكاتي

و بدا الليل كئيبا . . . أسرتني ذكرياتي

حسرة تكوي فؤادي . . . عبرة تخنق ذاتي..!

و ظلام يحتويني . . . آه ما أقسي حياتي

لم تعلمني الليالي . . . لم أفكر في مماتي

كيف لو صرت ترابا . . . كيف لو واروا رفاتي

عالمي أمسي غريبا . . . قتلتني أمنياتي !

كيف أصفو من ضياعي . . . هل تري فجري سيأتي ؟

أملي في الله ربي . . . جئته أرجو نجاتي

فاغفر اللهم ذنبي . . . و ارضي عني في حياتي

عليكم السلام بلوج عندي اقتراح لو يكون بيت ابيتين مو قصيده افضل
وراي رايك وشرايك
ياليالي نجد مامثلك ليالي*** آمانه نور عيني ياليالي


شكرا على الموضوع الرئع تسلمين

طول غيابك يا نظر عين مغليك

الجرح زاد وصار فوق احتمالي

تتعبني الفرقا ولا نيب ناسيك

وتحرقني أشواقي وسود الليالي

أسهر وروحي بالليالي تناديك

غالي على قلبٍ شقا فيك غالي

ماتت حروفي منك لوموتها فيك

بين الشفايف صمت واحرقت حالي

ارجع وخذ قلب العنا بين أياديك

كن الفضاء من دون شوفتك خالي

وازرع أمل للشوق في نفس تعطيك

نفس الوفاء يكفيني اللي جرالي

ويقول لي اين الدواء
سيموت هذا الورد عطشانا وفي كفيك ماء
انظر الى جسدي يمزقه البلاء
عمري يسافر تاركاً في اضلعي حلم البقاء
وتمر ايامي وترحل والشقاء هو الشقاء
مابين آهاتي وآهاتي يحوراًمن دماء
والعين تغرق في مدامعها اذا جاء المساء
ويزيد يأسي عندماأبكي فيرفضني البكاء
شبحان يقتسمان أجزائي هما يأس وداء
وتخر مني الآه باكية فترتعد السماء
واظل اهنف بالدعاء وطالما اجد الدعاء

ياحي ياقيوم اني ارتجي منك الشفاء

الزائر الذي لم يجئ

مر المساء ، وكاد يغيب جبين القمر
وكدنا نشيع ساعات أمسية ثانية
ونشهد كيف تسير السعادة للهاوية
ولم تأت أنت … وضعت مع الأمنيات الأخر
وأبقيت كرسيك الخاليا
بشاغل مجلسنا الذاويا
ويبقى يضج ويسأل عن زائر لم يجئ
وما كنت اعلم انك ان غبت خلف السنين
تخلف ظلك في كل لفظ وفي كل معنى
وفي كل زاوية من رؤاي وفي كل محنى
وما كنت اعلم انك أقوى من الحاضرين
وان مئات من الزائرين
يضيعون في لحظة من حنين

وعليكم السلام

يعطيك العافية بلوج

سمعت لي كلمة مدري وش اقصاهـا
..................حزت بنفسي وأنا مانيـب هارجهـا

لوكل كلمـة إلـى جتنـا طردناهـا
..................بعنـا الثمينـة بسعـر مايخارجهـا

لو مـرت السمـع ماكنـا سمعناهـا
..................ونقفـل الـراس عنهـا لا يبرمجهـا

ومـن يـم هـذا لهـذا مانقلنـاهـا
..................والناس واجد وتلقـى مـن يروجهـا

من جابهـا بيـن خلـق الله وداهـا
..................لو به مراجل تـرى نفسـه يسمجهـا

ومن عامل الناس في سابق خطاياهـا
..................يقعـد بـدار خـلا مـاداج دايجهـا

في كنة تشوي الجربـوع رمضاهـا
..................وتابس غصون الشجر من حر واهجها

والناس بالحق حكم الشيخ ما أرضاها
..................ماتقنع النـاس لـو انـك تحججهـا

ياللي تبا الطيبـة خذهـا وعطناهـا
..................وخـل الطريفـة طريـة لا تثلجهـا

وأقضب طريق الأوادم وامش ممشاها
..................أتبع دروب العرب وأدرج مدارجهـا

وأرسم لنفسـك حـدود ولا تعداهـا
..................من حط نفسه بدرب الضيق يحرجهـا

وان كان نفسك هواهـا قـام ينحاهـا
..................حط الأعنة بروس الخيـل وأسرجهـا

وفكـر بمنكافهـا قــدام مغـزاهـا
..................واضرب حساباتها وتشـوف ناتجهـا

وكل بعضده يمـوح الدلـو برشاهـا
..................وتلقى كبود الضوامي مـن يبرهجهـا

وان كان توك على صدرك تهجاهـا
..................حنا ترانـا نـدرس فـي مناهجهـا

من يـم مصباحهـا نبعـد معشاهـا
..................إلى قعـد راعـي الضلـع يدرجهـا

لو هي صعيبة إلى انعاجت عدلناهـا
..................واللي تجي مستقيمـة مـا نعروجهـا

نهتم فـي وزنهـا وابـرام معناهـا
..................ومـن الكرستـال واللولـو نتوجهـا

مثل الجواهـر ليـا منـا نضمناهـا
..................وسلوكها من جديد الـزري ننسجهـا

مخايـل تردتـدم والصـدر منشاهـا
..................لا دك بالبـال داكــوك يهيجـهـا

وليا أمطرت ضاقت الوديان في ماها
..................تاخذ إلى الحول ما يبسـت مدالجهـا

وان صدت الناس عنا ما أعترضناها
..................مـا تقفـي النـاس عنـا ونتولجهـا

وإن جاتنا الطيبـة بالطيـب زدناهـا
..................الطيبـة بالعسـل والسمـن نمزجهـا

وان جاتنا الثانيـة نصبـر ونرفاهـا
..................يمكن إلـى فـاق راعيهـا يعالجهـا

وان عادهـا عـودة ماعـاد ينساهـا
..................من حربة في صميم الصدر نولجهـا

مسمومـة يبلـش الدكتـور بدواهـا
..................مايقنع الخبـل ليـن أنـه يلامجهـا

سجا الليل


سجا الليل حتى هاج لي الشعر والهوى *** وما البيد إلا الليل والشعر والحب

ملأت سماء البيد عشقـــــــــا وأرضها *** وحملت وحدي ذلك العشق يا رب

ألم على أبيـــــــــات ليلى بين الهـــوى *** وما غير أشـــواقي دليل ولا ركب

وباتت خيامي خطوة من خيامهــــــــا *** فلم يشفني منها جـــوار ولا قرب

إذا طاف قلبي حولهـــــــــا جن شوقه *** كذلك يطفي الغلة المنهــل العذب

يحن إذا شطت، ويــصبوا إذا دنت *** فيا ويح قلبي كم يحن وكم يصبوا

صدفه و من بين كل الناس علقني
من يوم شفته وعيني جات في عينه
حسيت شي في عيونه حيل يجذبني
لما إبتسم بانت بوجهي تلاوينه

سلم عليّ و جلس جنبي و كلمني
كل الحواجز تلاشت بيني و بينه
أخذ إيديني بايديه و قام يوصفني
و لا تمنيت إيدي تترك إيدينه

قالي كلام بصراحه حلو دوخني
ما قد سمعت بحلاته آآه يا زينه
معاه أحس الأغاني عني و عنه
و أجمل اغاني الغزل شعري و تلحينه

ياقدرة الله كيف عشر احلام ماعادت عشر
ماعادها نفس الوزن والطول ماهو طولها



احيان يصدمك الغباء واحيان يصدمك النشر
واحيان تصدمك الحظوظ اللي تجر ذيولها



مدري هي الدنيا كذا والا تصانيف البشر
عجزت الاقي كلمة ٍ تمشي على مدلولها



النار مبداها شراره بعد هذا تنتشر
تسري على روح الهشيم وتستثير خيولها



والناس يافيهم بشر تموت في حب القشر
ماتستريح الا على صوت العزاء وسمولها



يمكن خطاي اني رجل شامخ ولا احب الخشر
ويمكن خطا ذيك الوجيه العابسه بقفولها



ويمكن يكون الوقت يلعب دور كذاب ٍ أشر
يرسم تفاصيل الطموح ولا يقرب حولها



عزا الفقير اذا التقى التجار في يوم الحشر
يشوفهم مثل الهنود اللي تخيط نعولها



غوار في فلم "الحدود" اثنى على كلمة فشر
وانا على رايه بعد بقولها واقولها




يوسف

__________________

وداعاً ... وداعاً ... وداعاً

وداعاً ... قلبي

وداعاً ... سعادتي وفرحي

وداعاً ... يا أجمل أشيائي ... وداعاً

لا شيء طبعاً ... لا شيء سوى تجفيف الدموع ...

فدائماً هم كذلك هؤلاء المفارقون ..... لا يدرون عما قد يخلفونه ورائهم وعلى ما هم مقبلون .

وداعاً ... وداعاً ... وداعاً

وداعاً ... قلبي

وداعاً ... سعادتي وفرحي

وداعاً ... يا أجمل أشيائي ... وداعاً

لا شيء طبعاً ... لا شيء سوى تجفيف الدموع ...

فدائماً هم كذلك هؤلاء المفارقون ..... لا يدرون عما قد يخلفونه ورائهم وعلى ما هم مقبلون .

متى اشوفك
تلاقي عيــوني عيـــونك...
أبيك تتّــــكلم...
تحسسّـــني بحنـــان صــــوتك...
أبي أضمــــك على صــــدري...
أبيك تغنّيــــلي...
ولـــــو لحظــــــة...
أبي أصيـــر في دنيـــاك...
إذا حبيت أنا عيــدك....
أبرسم على خدودك إسمك..
وحــروفي تكــــون حـــروفك...
أبي أعيش في عــالمك...
وأكون سجين بين أسوارك..
أبي أســأل...
ليه أحيان يطول غيابك...
أبي مــّرة..
أحس بأمانك..
وإذا صــّديت..
أو زعلــــت...
بنفسي بقـــول يازين صــدّاتك..
أنا مجنـــــون في حبــك...
أنا هايم بنظــــــراتك...
أنا عندي ماتفــــرق..؟؟
أدوس لوحبيّت أشــــواكك...
وإذا فكـــرت ..لو تبي تبكي...!!!
بأكون لو تسمح دمعـــــاتك..
أنا مشتــــاق لحلا خدودك...
انا أتمنى أكون عطــــــرك...
وطيبي دوم في ثيابك..
وأنفاسي هي أنفاسك...
أبي أكون فحياتك كتابك...
وإسمي لك عنـــــوانك..!!!!
أبي تشوفني في صفحــاتك...
وتقراني بين كلمــــاتك....
وإذا مليت من كتــــابك...
تغمضّ علي جفــــــونك...
تغطيّنــــي بأهدابك....
من الآخـــــر...
أنا مجنــــــونك..
أبي أجيك فوقت نومك..
وأكون سيّد أحـــــــلامك...
حبيبـــــــي...
أرجـــــــــوك...
تحمّلنـــــــي..إفهمنــــــي.. .
ولا تشغل...بــــالك..؟؟
لا تستغـــرب..أبد منّي..
إذا كنت مثل ظِّلك..
وطيفك..وليلك..ونهارك...
لأنك...تبي الصـــدق...
أنيق..وتبهر كل من شافك...
أحبك..موت..وأحب ذاتك..
إذا منت مصّدقني...
تعال وشوف فوجهي أثر غيابك..
وإذ حبيت تتأّكد...
دقيقة بس...
تعال أسمع في داخل قلبي
((نبضــــــــــاتك))

حــان الــوداع ومـســرع الـوقــت مـــاراح
كــن الـلـيـالــي سـابــقــات الـثــوانــي


صـعـب الـفـراق الـلـي يـجـي عـقـب الافـراح
وصـعـب الـرحـيـل الـلـي لـهـيـبـه كـوانـي


الـدمــع طــاح وقـلــت لـلـنــاس مـاطــاح
احــاول أخــفــي دمـعــتــي لاتـبــانــي


اضـحـك وأقــول الـحـمــد لـلــه مـرتــاح
بـس لـوعـة الـفـرقـى تـجـي فـي لـسـانــي


شـف خـافـقــي مــن نــار الاهــات فــواح
يـرسـم عـلـى بــاب الـزمــان الـمـعـانــي


حــان الـفــراق وفــي سـمــا نـاظــري لاح
يـاســرع سـاعــات الـفــرح والـتـهــانــي

مـافـيــه جــرح ٍ داخــل الـقـلــب مـانــاح
حــان الـرحـيــل وطــاح بـاقــي كـيـانــي

صديقي الرجل والدنيا لها دوره
تجمع الناس وفي الغالب تفرقها

والناس بأخبار سو الناس مسعوره
وفي الطيب بكما ذكر وآذانها صقها

وحنا فضاءاتنا ضحله ومحصوره
نبي نطلع من السطحيه اعمقها

افضالنا ودنا انها دوم مذكوره
وعيوبنا مانحب احد يتطرقها

كأننا رعاع منهيه ومأموره
نحفظ شعارات لكن مانطبقها

جهال في عالم الانسان وشعوره
نستحقر اللي شنباته يحلقها

نقلد آبائنا بالصوت والصوره
وحتى خرافاتهم لازم نصدقها

نحب نحزن ولو الاوضاع مسروره
نعمل من الحزن غبه لجل نغرقها

يا مجتماعاتنا هشه ومغموره؟
يا ان لنا اعماق ما نعرف حقايقها

فالعاصفه اذكر البستان وزهوره
وان مااعطاك الزمن بسماتك ؟ اسرقها

وان انشدوا كيف حالك ؟قول مستوره
لو ان الاوضاع يوميا تشققها

النفس اذا ماهي بشرهه ومغموره
يطقها الشح وتروح انت تلحقها

صديقي الرجل واطراف المره عوره
فما بالك بجرحها ولا مزارقها

اختارها خيرة المبلي لدكتوره
واتعب على عروق اهلها اللي تلاحقها

وركز على دينها والعقل وحضوره
وشفها وحاول تعرف اللي ترافقها

الزين غسل اليدين ولذته فوره
عليك باخلاقها اللي ماتخلقها

وان سهل الله وزان الحلم باموره
الغاربه في التعامل لا تشرقها

كن مبتسم مقتنع بالله ومقدوره
وشوف احلى مافيها من اشياء واعشقها

اشفق لها شفقة الشاعر لجمهوره
تحفظ حروفها قبل تنطقها

وان ضايقك شي خل عنادك وجوره
اهمس في اذنها عتب وانته معانقها

العمر قصير والايام معموره
ماتستحق انك تضيق واتضايقها

وان شفت مايظهر الرجال عن طوره
لاتكسر في نفسها وتعلقها

سامحها واقطع طريق الشر وشروره
او ردها لبيت شايبها وطلقها

مايضمحل الرجل في عيون غندوره؟
الا اذا عدد خطاياها وخانقها

ومايستزيد الرجل في عيون غندوره؟
الا لاطوف خطاياها وصادقها

ودي ابكي لين مايبقى دموع_______ ودي اشكي لين مايبقى كلام

من جروح صارت بقلبي تلوع_______ومن هموم احرمت عيني المنام

الله على الأيام وشلون سـوت
إلين خلتني مثل ماأنت شايـف

كم فاتت اللي كان ماتنتفـوت
وأنا عليها من الشفاقة مهايـف

مانيب مقطوع الرجاء لي تغوت
ولا راجيآ غيره ولانيب خايف

واللي على صكات بقعاء تقوت
قدهي تشوف إن الثقيلة خفايف

عندي لها غير المصوت مصوت
ليا كلحت لنياب فوق الشفايف

تومي بها صملاتنا ليـا تنـوت
عاداتنـا مانحتـزم بالحسايـف

نعرف نحل حبالها ليـا تلـوت
ونقودها قود الرسن للعسايـف

كان الرجولة بالمظاهر والاشكال
عزالله اني ماعرفت الرجوله


وكان الرجوله بالمواقف والافعال
عز الله اني مرتوي يالخجوله


ياجارحة احساس شاعر ورحال
غريب تايه من زمان الطفوله


ماكل من يكشخ من الناس رجال
الشخص جوهر وأفهمي ما اقوله


سطحية النظره ومعبودة المال
مايعجبك شكل الغريب ونحوله


شكلي غلط لكن على الكود حمال
ودرب الفخر نفسي عليه معلوله


والشاطر اللي يفتهم رمز الامثال
كم داس وقتك من سلايل جموله


لاني بمغرورٍ ولاني بحيال
لي روح عن باقي الخبول معزوله


باني لي اهدافٍ عظيمات وآمال
والغيم من شافه ترجى هطوله


ولايندمج درب الدناسه والافعال
والاصل يعرف من يتم بأصوله

إهداء لأحلى اعضاء