ليه الجفا يامشتت الروح تشتيـت
والقلب جـاك بقوتـه وندفاعـه
ماقلت ناسي قلت انا الي تناسيـت
وأنت الوديع الي حفـظ للوداعـه
يوم الوداع ابسألك ويش سويت؟
تعال واسمع قلب هـذا انطباعـه
نظرة وداع ادمت جروحي وناديت
حـرام مثلـك مانوينـا وداعـه
لك الغلا لورحت والا بعد جيـت
تبقالك الاشواق في كـل ساعـه
انشهد اني من غرامـك تقهويـت
شربت فنجالـك وكلـي قناعـه
ادري وداعك فتت القلب تفتيـت
وصحيح انا ماعاد عنـدي مناعـه
وحتى ولو في نار بعـدك تكويـت
ولو كان صوتك يطرب اذني سماعه
اقنعت نفسي عنك يومنك أقفيـت
يلي حسبت ان المشاعـر بضاعـه
والله لو باقـي حياتـي تشقيـت
ولوقلت لك ماعاد عندي مناعـه
ابقى على العـزه مثـل ماتربيـت
وعقلي يقديني ونفسـي شجاعـه
أنت الخطا ماأقول في صدك أخطيت
ماعاد ينفـع لوطلبـت الشفاعـه
الحي حي ولا يقارن بـه الميـت
حمله يشيلـه لوبـدون استطاعـه
