الجراح ..

عسى ما زعلتك البارح وزودت الجراح جراح
عسى ما مرت الدمعة على أهدابك من أسبابي

جرحتك من كثر شوقي وخليت الكلام رماح
ولادري شلون ياعمري طعنتك حيل بعتابي

بدون شعور صدقني ترى كثر الغلا ذباح
تعال وشوف بغيابك غلاك شلون سوابي

حرام تغيب من عمري وتعطيني الفراق وشاح
حرام الدمع في عيني مناديله هي أهدابي

غيابك يشغل عيون الزوايا وأمتلي أشباح
وأنا أنثر صوتك بقلب المكان وأشعل أبوابي


تلفت للأمل دام الرجا في عمري الملواح
أناديلك ولو شرهة وصولك تقطع أعصابي


أبيك الجاي من عمري أنا مابيك شي وراح
مدامك أجمل وأخر مدامك أول أحبابي

أبي أرتاح ياعمري أنا أدري هم تبي ترتاح
تعال وقبل ما أفرح ترى تفرح بك ثيابي

أحبك يا بعد عمر الحزن والجرح والأفراح
أحبك كثر ما نامت عيونك داخل أهدابي

للشاعر / سالم سيار

للاستماع


http://www.movn.net/Salem_Sayar/AL_jraa7.ram


.
.
.

حرام تغيب من عمري وتعطيني الفراق وشاح
حرام الدمع في عيني مناديله هي أهدابي

قصيدة رائعة

صح لسان الشاااعر

والله يعطيك العافية بثارة على الاختيار الراااائع

تحية طيبة

بدون شعور صدقني ترى كثر الغلا ذباح
تعال وشوف بغيابك غلاك شلون سوابي

حرام تغيب من عمري وتعطيني الفراق وشاح
حرام الدمع في عيني مناديله هي أهدابي



مــــــــــــــــــــــــــــــاروعك جميل مانقلت يداك بثااره


.
يعطيك العافيه


تحياتي لك القااائد الخاص

تلفت للأمل دام الرجا في عمري الملواح
أناديلك ولو شرهة وصولك تقطع أعصابي

يعطيك الله عافية من أجمل ما قرأت هذه القصيدة

قصيدة رائعة تسلم الأيادي

تحياتي

قصيدة رائعه
مشكوره على ألإختيار الرائع