شـــــات نـــــــادر

هلا بيكم .. نمارق انتبهي حص حص لا تقرب حتى أخوك لأنه وقتها ( لا طاح الفاس بالراس ) ماراح تقدرين تقولين معها ( وق ) فهتلر راح يكون بصفها أكيد ..

دكتورة كوين .. ليش تقلبين المواجع يابنت الحلال << أسلوب تمصلح عشان تنسى ..
وش هي غضنفرة قلنا اسمها مضفر .. نمارق لا تعلمينهاسوالفك إلا بعد ما تعترف باسمها الجديد .. وحبذا لو كان الاعتراف خطي بعد ههههههههه

مين الي يعترف مضفره ولا دختوره _

اما من جد زمان
تغيبون وتطبون مع بعض

بعدين لوسمحتي تراني شرقيه يعني الشمس موجوده
استنى بعد العيد
تبدا الكشتات بالكليه
بالساحه انواع الفرشات> زوالي
حتى الحصير يجيبونه
ومخاد وقهاوي
ومطاقق ع الاماكن الحلوه

الساحات مليانه

بنات ال فلان فرشتهم حمرا
وبنات ال فلان فرشتهم زرقا

ابداع وهواش
ونتسلف من بعض فصفص ولا فناجيل

احيان الأمن يجون يعطونا مخالفه
الا إنا مقلطينهم
والي بجنبنا يعزمونهم

^

لا انا بحسدك اقري على نفسك يااابنت


خخخخخخخخخخخخ جد شيء حلوو اجواءكم


بعدين الكل غاايب فين الناس يعني انا غبت عشان كنت تعبانه شووي انفلونزا انتوا وش عذركم؟؟

موظف طال عمرك يا نمارق


وآسف على التأخير

كني سمعت طاري أنفلونزا هنا.. الله تعالى يستر أجل بنمنع دخولك يا دكتورة إلا بعد الكشف والتأكد خوفا من العدوى .

يوسف موظف أجل .. خلك قريب يمكن نستفيد منك ههههههه << بيتسلف من هلحين ..

نمارق اللي يصير عندكم شكله قريب من ( اليوم المفتوح ) بس ما عليه لا تنسين تعزمين الدكتورة من شان
تتعرف على خويتها مضفرة وتتأكد من اسمها الجديد زيييييين ..

وش هلتر ذااا

انا مااخذ الا ابوتس فقط لا غير

ومفاهيم تراها معاي تجي هديه
شرايك بالله عرض ولا عرووض موبايلي ولا الاتصالات هع

شوفي حنا مانطلب شي بس نبي فييلا ونبي سواق لا سواقين عشان مانتهاوش
وتبي خدامات
ونبي >>مفاهيم كم يكفينا بشهر هع >>خووش عرس هع

وش يوم مفتوح
لا الكليه كذا بالاساس البنات يخلقون لهم جوهم

‏^‏
والشيخه حصوص
انتم تعالو بس ووسعن صدري وكل يوم افركم بالشرقيه

ولا اخلي ابوي يكتب فيكم قصيده
ترا صاير بس هجاء هالايام^_^
مدري وش جاه ابو هتلر
طايح سب
لاشاف شي ماشش مادخل مزاجه


احذركن من الحين

يعني تغيير جو بالكلية وثقيها يانمارق والله تعالى بعد كم سنة تصير هالأشياء لها ذكرى ( ترن ) في الذهـن .. وبعدين العزيمة بالشرقيةلا يصير لحص حص بس عسى تشملنا بعد عشان أتعرف على هتلر وأخليه يفر بنا الشرقية وبحرها ..

غضنفر ادا بتروح لشرقيه بروح معك مرني لو نروح بدون عزيمه عادي هع هع نمارق ما هي مصرفتنا

ههههههههههههههههههههههه << ياليل النشبه^_^

لا صدز
حياكم الله __ انا ضايقن صدري
بس يوسف انت تتكفل في مصاريفنا
وغضنفر معك لانه مدرس يقولون رفعو مستواه ^_

وانا علي امشيكم
ونروح البحر ونروح البر

وناخذ بطاقاتكم ونزهم انا وحصيص ودكتورتنا للمجمعات من الظهران مول لراااااشد __
والسلام عليكم __

ترا الشرقيه تهبل >> محد يتمصلح

وهتلر بيعزمكم بسنير
ترى شي شي احب هذا المكان
ازين ماسوت ارامكووو

كنت اتمنى ع هالغياب والآجازه الجمدده

اقولكم جانا مطررر
الرياض مره مره بارده
وبنرجع الشرقيه وبرضو برآد
ياحلو الدفى

سلآم دافي لكم جميع

^

لكم وحشه والله كلكم



كل سنه وانتوا طيبون يااعضاء منتدى نادر


من العايدين


بااي

دكتوره
جعلك من عواده **

وكل عآآم وآنتم بخيرآآت

الحمدلله آمطرنا بفضل الله ورحمته اللهم اجعلها سقيا بركه لا سقيا عذآب

اللهم آرحم اهل جده برحمتك ولاتغضب علينا

مساءكم سعيد أعضاء المنتدى ,, لكم وحشة .. وتراي حالف ماتسوون ذبيحة يكفيني بس فنجال قهوة مع بسكوت ديمة .. بغيت أقول ببسي بس نسيت إنه غلا وصار بريالين أو بريال ونص .. كسروا خاطري المدمنين عليه << أشوى إني ماني مدمن زي بعض الناس .. بس نسيت أسأل عن السفن أب ( مشروبي المفضل ) غلا ولا لا الله تعالى يستر .. أشوفكم بعافية ..

اهلن بعودتك

قهوتكم عندي
وترآ قهوتي مزعفره وتهبل بتكيفك مع باتشي < شوكلآتي المفضله

امآ الغازيات
ماآشرب منها الا السفن وتعودت بالكليه ريالين^^
اخاف الحين يدبلونه ثلاث


كأني اشوف عصير ربيع يقول مردكم لي ^^

ولكمووووووووو غضنفر افندم نورت واللهي

والمووكاا تستنااك ترا احسن لك من قهوة نمارق المزعفره هع

كفو نمارق وأهلا بك .. القهوة مع الزعفران بصراحة بالراس خاصة بعد التعب .. وكويس إنك مثلي من عشاق السفن عشان نسوي حملة تضامن معه بوجه الزيادة رغم إنه حتى لو صار بثلاثة مالنا غنى عنه وياخوفي لا يلحقه كمان عصير الربيع وشلته ..

دكتورة أهلا بك وكفو على الموكابصراحة شيي .. وعلى طاري الموكا أول مرة أكتشف ياجماعة إنه هناك موكا باردة وحارة متعود على الحارة بس << خربت على نفسي بكرة راح يقولون أثاريه ما يعرف لبعض هالمشروبات ...

الموكا البارده انواع
لآكن انا شخصيا ماهضمها ولا افكر اطلبها ^^


اممم
يالله سولفو لنآ
وش سويتو بالعطله وش علومكم

كل عام وانتم بخير جميعا

الأجازه اسبوع ما تكفي انا لا رحت ولا جيت جالس بالبيت

الناس تطلع للبر وتخيم يوم يومين على الأقل وانا مخيم بالبيت هع هع

اقول غضنفر ما مثل شاهي سوا تلقيمه ولا لبتن

نمارق كتب:الموكا البارده انواع
لآكن انا شخصيا ماهضمها ولا افكر اطلبها ^^


اممم
يالله سولفو لنآ
وش سويتو بالعطله وش علومكم

صدقتي والله .. بصراحة الباردة مال أمها داعي ( الله تعالى يديم النعمة ) ومع ذلك سعرها غالي نسبيا .. وبالنسبة للإجازة بصراحة راحت بالسفريات والروحة والجية رغم إن ( الوعكة ) أخذت نصيبها لكن الحمد لله تعالى .. وأتوقع أنه السنة هذي راح تكون سنة عشب وربيع بعد الامطار إن شاء الله يعني جهزوا العزبة ..

يوسف بصراحة الشاي له رونقه خاصة الأيام هذي تشرط تكثر الزنجبيل فيه سواء تلقيمة ولا لبتون .<< معذور مخروش من البرد .. أشوفكم بعافية ..

الأجازه كانت حلوه مع الاجواء لأن انا مزاجي اكس مع الشمس

والحين فاقدينها يعني مغيم وهادي


صحيح الكل بالبيت
بس معشر النساء
لأن انتم متى مابغيتو
توكلتو
قسسم حقدت ع اخواني خيمو بالثمامه وبعدها الصمان

واذا جونا سكتونا
ودونا يم برآحه ولابيت يبنى قالو يالله حطو قهوتكم وتقهوو

سلآمات

:‏(‏

عآد ثاني يوم بالعيد امي تكلم عمها قال عندي مزرعه وحلال < يعني بعرورات وشسمه ابل - نياق - جملات < الي هي ^^

قلت يمه ترا صله الرحم زينه
ونطق مشوار
يمها
عند مليجه قريبه من النعيريه ^^ بس حلو جوها

يوم جآ اليل قلت بنعود قالو لأ ونمت بالسياره ^^

‏<‏ الحين تحسفت
ليتني معهم اتشفت واخرب ع نفسي

‏<‏< لحد يشره علي بالكليه وشابكه بالجوآل

واذا جونا سكتونا
ودونا يم برآحه ولابيت يبنى قالو يالله حطو قهوتكم وتقهوو

سلآمات

:‏(‏

خخخخخخخخخخخخ اتاريكم زينا كويبس لاقيت وحده حالتها زي حالتنا ههههههاي


والله انك جبتيها

مهضوم حقكم بالتمشيات الله يعينكم