يا هيه إتلفت لي وإسمع دعاي لك ياهيه

يا هيه إتلفت لي وإسمع دعاي لك ياهيه
ترى عادك بتشبع من البعد وتواجه
***
دعيتك بصوتٍ ياصلك ليه ما توحيه
وأنا أسمع ضلوعك من صدى الصوت لجاجه
***
عليك الفؤاد إخلاجه مصمخ راعيه
خف الله في راعيه ما تسمع إخلاجه
***
ترى العفو قد جاك أوله وإغتنم تاليه
وترى الحلم بحرٍ غير لا تآمن أمواجه
***
وترى الود ليلٍ مظلمٍ جيتلك ساريه
سراجه وصالك والجفا ينفخ سراجه
***
وترى قصرنا اللي كم سنة نجمع ونبنيه
هوى العذل طيح بابه العود وسياجه
***
لي أيام مدري وين دارك ولا أدري ليه
وأنا خابر إني باب شفك ومزلاجه
***
غيابٍ بلا سبة هجادٍ بلا تنبيه
وجفا أغلى العرب نارٍ على الكبد وهاجة
***
نضج قلبي من البعد وش حاجتك تكويه
جفاك الجمر والصبر في بعدك الصاجه
***
طبع حبك بقلبي والأيام ما تمحيه
هذا هجرك يحاول يموجه ولا ماجه
***
يموت الأمل لكن ظنون الغلا تحييه
وعروق الوفا فالروح والقلب وجاجة
***
خبرتوا حدٍ يبكي على واحدٍ يبكيه
وخبرتوا حدٍ مسجون ما يبغي إفراجه
***
أحبه ولا أبغضته على شيٍ يسويه
ولا زالت رقاب الرجا فيه منعاجة
***
عسى منزلٍ ضمه حقوق الوسم تسقيه
وتضحك له الدنيا وهو يضحك حجاجه
***
فقد خاطري شي من الضيقة مسليه
وغدت روحي من الناس والليل هجاجة
***
أروح لمكانٍ خابره .. خابره يآتيه
أسوق القدم صوبه وهي مالها حاجة
***
مكانٍ نزيه وأول مواجهي له فيه
وأنا خابرٍ ما رجل مثله بدواجة
***
لعل وعسى ما حدني للمجي يدعيه
وأشوفه وأنا ما ودي أسبب إحراجه
***
يحب الجريح آخر دروب اللقى ويجيه
وتحب القدم جية مكانٍ أول مواجه


لأبن فطيس

ترى الود ليل مظلم جيتلك ساريه
سراجه وصالك والجفا ينفخ سراجه


ابن فطيييس
المبدع
المبدع الذي قصائده بكلماته القويه تشدني

اروح لمكآن خابره . خابره يآتيه
اسوق القدم صوبه وهي مالها حاجه
مكآن نزيه واول مواجهي له فيه .....



كل الشكر صاحب الذوق المميز استاذنا يوسف

هلابك نمارق وجودك يسعدني وشهادتك تاج على راسي