خلونا نتناقش بجديه

السلام عليكم ورحمة الله وبركاته

فيه قضيه جالسه تدور في راسي من زمان

طبعا القضيه هي قضية فترة الملكه


يعني اذا خطب فلان فلانه طبعا هنا لازم يشوفها وهذا هو الشرع


طيب هل من الممكن انه يعرف البنت من خلال فترة الخطوبه وخصوصا انه ما راح يشوفها الا ساعه ان طول

وهل ممكن انه يحدد الموصفات اللي هو يبيها من خلال هالساعه

طبعا لا
بحكم ان بعض الطباع ما تخرج الا مع الوقت

طيب خلونا نوسع التفكير شوي

اذا ملك فلان من الناس عليها طبعا ما فيه دخله الا اذا كان فيه عرس وطق وطقيق

بس اللحين فلانه تسمى زوجته

طيب اذا قلنا انه راح يجلس معها بوجود اهل البنت هل ممنوع

طبعا لا

وهو من خلال ذلك يمكن معرفة البنت والبنت تاخذ عليه احسن من انهم يتفجاون بليلة الززواج وكل واحد غريب على الثاني

والسوال هنا

هل يمكن من جلوس البنت مع زوجها في فترة الملكه فيه ايجابيات ام كلها سلبيات ؟

ارجوا انها وضحت الفكره

بس ياجماعه الرجاء البحث عن الحقيقه وليس انه يجوز او لا لانهم هم زوجين على شرع الله ورسوله

طبعا راح ارجع بس لما اشوف ردودكم واشوف اراكم

وشكرا

هلا اخوي حمود

موضووع حلووووووو بصرااحه

واذا كانه انت الي ملك على البركه مقدم ^_^

بس انا بصرااحه

بقول وجه نظري


احيااان اقوول ماتكلمينه ولاتشوفينه انتي ياالزوجه

الا يوم الزوااج

صح بيقعدوون فتره طويله كله تعاارف

بس حلووه

واحياان حلو اذا كان اياام الملكه يكلمهاا
لاكن يشوفهااا

لا ماانصح

حلاتهاا في ليله عرسهاا



لي عوده
بس اخوي حموود وضح اكثر بالي تقصد اذا كنت مافهمتك

هلا والله وغلا واشكرك على الرد

على فكره انا لا خطبت ولا ملكت ولا غيره لا تطلعين اشاعات علينا

بالنسبه للموضوع اللي انا اقصده

هو تقريبا وصلتي للي انا ابيه

بس بالنسبه لكلامك هو كلام عاطفي وليس عقلي

يعني انتي طرحتي فكرة انه تكلمه بس ما تشوفه طيب هل التكليم يطيح التخوف الموجود عند الرجل والمراه
لا وخاصه انه راح يعيش معها طول العمر فلازم يشوف هالمراه هل هي اللي تناسبه اولا

على العموم الفكره من جديد

علشان كل واحد يفهم اللي انا ابيه وهو

فلان نوى على الزواج طبعا باستشارة اهله قالوا عندك فلانه وفلانه وفلانه ومواصفاتهن كذا وكذا

طيب نقلوا المميزات والعيوب عن البنت ونوى يخطبها ويعيش تجربة الزواج معها

كتبوا الكتاب للحين ما دخلنا بليلة الدخله

السوال هنا مارايك بمن يجالس زوجته في فترة ما بعد كتابة الكتاب الى ليلة الدخله بوجود الاهل ؟

بالنسبه لي انا تعليق انا اقول من الضروري انه يجلس معها
وذلك انه هو زوجها
الشي الثاني انه يتعود عليها وهي المراه بالنسبه لها تتعود عليها وتعرف اطباعه ممكن البنت ما تعرف اطباع الرجال وهذا الغالب على البنات اذا جاء احد يخطبهن تلقى البنت ما تدري وش السالفه ولا تعرف طبايعه
يعني باختصار هل الفترة ممكن يتعرفون على بعض ويجلسون مع بعض

لانه ممكن ايضا يكون هناك طلاق بعدين بحكم ان المراه ما تبي الرجال او الرجال ما يبي المراه بسبب عيوب ما راوها اهل الرجل او عيوب ما راوها اهل المراه

فهم يعيشون التجربه ويحكمون من خلالها هل يتجهون الى ليلة الدخله او لا

الى هنا اتوقف لاني ما ابي الموضوع يجي مره وحده ابيكم انتوا اللي تحركون عقولكم علشان نشوف وش المشاكل اللي تواجه هذا الموضوع

لان من خلال نقاشاتي مع بعض الزملاء جات مشاكل بس لها حلول دينيه قبل لا تكون عقليه

انا ابي هالمشاكل علشان اعرض عليكم الحلول

سلامن من الله عليكم

حمودي النظره الشرعية مافيها كلام ...

حق مشروع لكن من ناحية انه يعرفها ويعرف اخلاقها .. هذه النقطة تختلف .لزوج او الزوجة الكل منهم يقول لم اعرفك المعرفة الكافية ولكن انا من وجهة نظري وسالت اكثر من شخص

ان بعد الزواج وفي الاسبوع الاول سبحان الله يكون هناك تكيف غير طبيعي فتجد الزوجين ينسجمون مع بعض ويتكيفون طبعاً بعد توفيق الله .. والله يخبرني ناس كثير يقولون كانا نعرف بعض من زمان وهي كلها اقل من اسبوع المده التي عاشوا مع بعض ..

وتجد ان الزوج او الزوجة يضحي او يطوع نفسه ليرضي الطرف الثاني وهو مرتاح تمام الراحة ..وبعد هذه الفتره تجد ان الزوج او الزوجة يتكيفون على اطباع بعض .. ولكن عوامل الحياة ومشاكلها قد تجعل الظروف بعد فتره هناك خلافات بينهم ولكن لا تعتبر قويه

وتجد شخص احيانا وهو يتكلم عن شيء لا زوجتي ماتحب التصرف هذا او لا ترتاح لسفر للبلد هذا وهو يتكلم مرتاح وتجد الزوجة تعبر نفس التعبير والله زوجي مايحب الشيء الفلاني وتراعي خاطره

يعني الموضوع كلها اندماج بين الزوجين بعد الزواج

تحية طيبة

طيب اذا جينا نحكي على الموضوع من جهة ثانيه وهي

نسمع كثرة الطلاق وهذا واقع يعني كلامك اللي انت تقوله يا خوي نادر نسبه بس تعتبر عند اللي نسمعه من حالات الطلاق قليله

بس اذا وضعنا هالخطه فهم الزوج زوجته والزوجه تفهم زوجها ويحددون هل هم يكملون المشوار او لا ؟

ايضا القضايا اللي نسمعها عن ليلة الدخله كثيره الزوج تلقاه رايح جاي لبيت عمه والسبب البنت يعني لو سوينا هالموضوع ما ارتاحوا الى بعض قبل ليلة الدخله وكل واحد عرف الثاني اكيد وبالتالي راح يكون راحه في ليلة الدخله

ايضا انت حكيت عن هالموضوع طيب ليش رفض الزوج او رفضت الزوجه والسبب ان الرجال يحاول يكون زي ما تحب زوجته او الزوجه تحاول انت تكون زي ما تحب الزوج
يعني باختصار غصب عليها
ايضا انا ما تهمني بالدرجه الاولى هذا الموضوع
اللي يهمني ان الرجال يكون يعرف عيوب المراه من قريب والمراه تعرف عيوب الرجال من قريب بدون وسيط
هذا اللي ابي اصل ليه
لان نعرف ان الرجال ينقل له العيوب والموصفات والمراه كذالك
لكن لما يكون قريب ويعرف الامر من قرب ممكن يحدد هل هو يريد الزواج منها اولا ؟

على العموم اتمنى انها وصلت الفكره

وشكرا على تعليقك

ايوه فهمتك اخوي حموود

وقلت لك بصرااحه ليله الزوااج حلاتهااا بتعرفهاا

بخوفهاا

مايكون خلااص فاهميين بعض ومتعوديين على بعض

بالعكس كل بنت تتمنى ان زوجها بذيك اليله اول مره يشوفها ويجلس معهااا

لان هذي ليلتهم

ليه يعيشوونها بايااام الملكه



وهم ماوافقو على بعض

الا هي تعرفه وهو يعرفهااا

بصراحه انا اتكلم عن مجتمعي

النظره شرعيه حلاال

انت استخير ورح شفتها وشافتك

ملكتو

بقت النظره ذييك بالك وهي نفسك

كلمو بعض

عبرو عن مشاعركم

ارتحت لها وارتاحت لك

مو لازم تجلسون مع بعض

انا اتكلم لك عن مجتمعي عاد مدري عنك

متعووده ان الزوجه ماتشووف زوجهاا الا بدخلتهااا

بنات عمي وبنات خالي

سألتهم كلهم نفس النظره يقولون ان ليله الدخله احلا مافيهاا التعاارف

معااريس يعني عصافير

اختي مثلاً تزوجت وااحد مو من قرايبناا بعييد مره ولاقد شافته ولاشافهااا

اعجبني وماعجبني

هو ماطلب رقم ولاطلب يشوفهاا
خطبها على كلام اهله

واختي نفس الشي وافقت على كلاام اخواني
وسبحان الله النصيب مكتووب لهم يعني

هي تقووول ماتصدقوون كنت متخووفه لدرجه كبييره

يعني مو من عيال عمي اعرف طباعه وتصرفاته وش يحب

تقول لا ماعرف عنه الا اسمه

وهو نفس الشي يقول ماخليت وحده من خواتي ماسألتها من تشبه وش تحب
وش سوالفهاا

لانهم مايعرفون اي شي

ليله الدخله

كانت اكشششششششن

هههههههههههههههههههههههههه

كنا نصوور فديو زفتهم كانت بالبيت لما دخل المعرس واخوانه

بااين مو يمهم
ومرتبك
وكل شوي يقول وين العروووس



> لما سألناه قال ابي اشوفها وارتااح بسسس


وتعرفو على بعض شهر تقريبا

بس الا الان يقولون هذي احلا ايام حياتنا معن جاهم ولد وكبروو

يعني وجهاات النظر تختلف

ومستحييل نتفق على رااي وااحد

لاكن بسألك ابو حميييد

انت تأيد ان زوجتك المستقبليه تكلمك؟؟ تشوفك؟؟

مرحبا فيكم

كنت متوقع المشاركات اكثر من كذا يعني الواحد يحط رايه بها المنتدى ونتناقش فيه

بس طلع ما فيه الا القليل اللي يقدرون يبدون اراهم

اختي غلا
يا هلا فيك ويشرفني انك تردين على الموضوع

من وجهة نظري مااظن ان الجلسه بتريحهم سواء بوجود الاهل والا بعدم وجودهم

لما تكون فترة الملكه طويله وفيها مكالمات مبنيه ع الصراحه هذا اللي ممكن يخليهم يفهمون بعض ويكونون قريبين من بعض اكثر

ردي على كلامك من جهتين

اولا لما يجلس معاها يكون يعرف من هذي البنت وهل هي مناسبه لطباعه او لا وايضا من جهة البنت هل الزوج مناسب لطباعها او لا

انا لما اقول هذا الكلام علشان مستقبلا متى لما تمر فترة على عرسهم ويجيهم العيال نرا ان فيه فتور في العلاقات الزوجيه يعني الزوج تلقينه بالاستراحه جالس من بعد صلاة العشاء ايضا تلقينه بعد العصر طالع الصبح دوام

فالمراه تشوف طباع الرجل هل هو يحب الفرفشه يحب الوناسه اما انه مثلا كثير اسئله هل ياخذ الامور بجديه وما مقدار الجديه هذه

بالنسبه للرجل يشوف هالمراه هل هي مثلا تعرف تطبخ انا اقول مثلا

فانا لما اقول هالشي اكون قد حديت من ظاهرة الطلاق لان اغلب الازواج يدخلون قفص الزوجيه وهو خايف من المجهول اللي امامه يحاول يكيف نفسه عليه قدر المستطاع لكن اذا لم يستطع فاكتب على الزواج السلام

بالنسبه للنقطه الثانيه وهي المكالمات اول ما كنا نسمع عن المكالمات وما سمعنا بها الا بعد خروج الجوالات ويمكن البنت تتصل على الرجل بدون علم اهلها او بالاصح ابوها واخوانها الا اللي متفهمين

فليش ننتطر لين يتطور المجتمع وبعدين نتطور معها وانا لما قلت امام اهلها علشان يكون كل شي واضح وصريح

لانه لما يجلس معها ممكن يكون فيه حرج وشوي خجل بحكم اننا مجتمع ماتعودنا نختلط مع بعض

وغير كذا ممكن مايكونون صريحين بالشكل الكافي لانه الكلام بالجوال اريح واسهل من وجها لوجه

صح....؟؟

اختي الحرج موجود سواء في الجلسه هذي او في ليلة الزواج بس بدل ما تجي الامور كلها مجتمعه مره وحده تجي حبه حبه

ايضا وش الفرق بين انهم يكونون صريحين بالجوال والا مقابله وجه لوجه
انا اتوقع انها مقارنه خاطئه يعني اذا صار مشكله بعد الزواج تقولين ادق عليك علشان اعلمك وش صار

ايضا لما تكون المصارحه امام بعض فهو يعرف مداخل المراه كيف يدخل لها والمراه تعرف مداخله
ايضا لما تكون مشكله هناك فهي تعرف كيف تواجهه في هذه الفتره وتعرف الرجال اللي امامها وتعرف كيف تدخل له

بعدين فيه نقطه اذا كان المجتمع خاطئ نمشي معاه اكيد راح نغيره والمشكله انه ماشي في نظري بشكل خاطئ

وبعدين احس ترروح رهبة ليلة الزواج

وهذا شي مو حلوو

معليش تروح رهبة ليلة العرس ولا يكون الرجال يبي يدخل ولا يعرف كيف

من القصص اللي اسمعها من المتزوجين واحد منهم تزوج وفي ليلة الزواج صار الرجال طول الليل رايح جاي على بيت عمه كل شوي رايح لبيت عمه موودي زوجته ثم ترجع معاه البنت تجلس تبكي تقول ابي امي ثم يروح فيها وعلى هذا الحال

فهنا البنت خايفه من المجهول والرجال ايضا ما يعرف يتصرف بالعالم اللي دخل عليه

وبعدين المفرروض نغير طريقة تفكيرنا قبل مانحاول نغير عاداتنا .....!

انا بصراحه ما فهمت وش تقصدين بالكلام هذا

واولا واخيرا يابو حميد يعتمد على شفافية الرجل والمرأه وصراحتهم لانو هذا هو الاساس..

انا معك بالكلام هذا بس سوال هل انتي تبين تصارحين رجال اول مره تشوفينه ايضا بالمنطق انتي ما تصارحين امره اول مره تشوفينها

على العموم اشكرك على المرور واذا كان فيه اعتراض عاد تقوليه اهم شي نصل للحق

مرحبا اختي نمارق

يشرفني انك ترجعين مره ثانيه وتردين علي

وقلت لك بصرااحه ليله الزوااج حلاتهااا بتعرفهاا

بخوفهاا

مايكون خلااص فاهميين بعض ومتعوديين على بعض

بالعكس كل بنت تتمنى ان زوجها بذيك اليله اول مره يشوفها ويجلس معهااا

لان هذي ليلتهم

ليه يعيشوونها بايااام الملكه

انا بسالك سوال هل انتي تحبين انك تكونين انسانه مطلقه بعد ليلة الدخله او قبلها ؟

يعني لا تاخذنا ليلة الفرحه وليله الدخله ونشوف اشياء غريبه واشياء تفرحنا بس بعدين بس هذا الشي راح ينتهي بعد شهر او شهرين ثم يكتشف الرجل انه لم يكن اختياره صحيح وايضا المراه تلقى انها كل واحد تخرج له عادات ما توقعها من الثاني

فانا اقول هنا انه من الافضل انه يجلس معها ويشوفها ويحكم وايضا المراه فالطرفين كلهم مستفيدين

باقي كلامك كله تحكين عن الواقع اللي انا احاول اغيره

طبعا مثال بسيط ولا يهمكم المثال بقدر ما يهمكم ما تستفيدون منه

شخص ما جاء لكم وقال فيه بضاعه جيده ومواصفتها كذا وكذا وكذا
وبداء بطرح الموصفات
هل انتي بالكلام هذا راح تشترين البضاعه ام انك راح تشوفينها وتجربينها ثم تقررين ؟

بالمنطق والعقل انك راح تشوفين وتجربين هل هي تصلح او لا

فهنا لا بد من التجربه وتشوفين الرجال وايضا الرجال يشوف من هي اللي امامه

هذا المثال بسيط طبعا مع الفارق

في مجتمعنا نسمع خواتنا وامهاتنا تحكي عن البنت اللي تبي تتزوجها ثم تلك النظره الشرعيه وبعدين ما فيه الا ما خرج في الاخير وهي مكالمات الجوال

وايضا اختك ما تعرف الرجال بس على كلام اخوانك قرررت انها تتزوج لكن لو شافته ممكن تحكم عليه

بالنسبه لسوالك انا اووويد وبقوه انها تشوفني واشوفها واجلس معها واعرفها واعرف اطباعها والزواج قسمه ونصيب هذا كل الكلام

وبنتظار ردك

اولا اشكرك على الموضوع الرائع

شوف لكل مجتمع عادات وتقاليد >>>لايااشيخه احلفي خخخخخ

بس الي انت تبيه انووو يشوفهاا يجلس معهاااا في بمجتمعناااا ومع كذا يكووون فيه طلاق

انا اعرفلك شخص ولد عمي شااافهاااا كلمهااا والحين مطلقين


المشكله ياخوووي مو يجلس معها المشكله بالطرفين الزوج والزوجه

وبرضووو اذا ملك وجالس معهااا ومااعجبته نفسهااا بتكوون مطللقه والنااس مااترحم بيقلوون لقى عليهااا شي
وزي كذاا


وبرضووو فتررة الملكه الزووج بيدلعهااا ويجاااملهااا كثيررر وبعد الدخله تطللع الشخصيه الحقيقه
يعني مو ممعقووول بفترة الخطوووبه انك تصرخ بووجهااا اووو تزعلهااا وهي بتااخذ عنك الفكرره
هاذي انك حنون طيب مااترضى بزعلهااا وبعد الزواح وشهر العسل انت معصب مالك خلق موو مجااملهااا
وتزعل انت خلاص طفشت مو مراضيهااا وتكبرر وبعدين ربك يستررر


واصلن على البنت نفسهااا


واقولك وحده متزوجه هي قالت لي لاتتخيلينه بيضل كذااا على الحنان والدلع ترااا فترره وتعدي
يعني لاترسمين خيالك كذا لانوو الواقع يكوون صعب ومااا تتحملينه

وبرضوو وحده تقوول مااا افضل انوو يكلمهااا قبل الزواج

والي تقوول يكلمهااا عشاان الخووف من اول ليله يخف

ووانا عن نفسي افضل يكلمهاا الجلوس مااا افضله لانوووو والله بلشه لازم اكشخ واجيب له شي يااكله
وووووو الى ماااله نهاايه >>>ماعندهاا وقت خخخخخ


وبرضووو نقطه مهمه الي بليلة الدخله يطلقووون احس بيااخه فيه انووو مااعجبتني مااارتحت لهااا
مااحبيتهاااا شي تاافه وبااايخ طيب جاامل اجلس ليله ليلتين موو معقوول من الليله ماااحبيتهاا في اشخاااص
مااتحبهم الابعد مااتجلس وتعااشرهمم الاسلووب يحببك فيهم بصراحه الي يسوووي كذاا ودي الفعه بقس يطير
خشته >>عصبت

حمودي يعطيك العافيه

موضوع رائع الحقيقه لم ارى جميع ماكتب ولاكن اخذت فكره كامله عالموضوع


انا من وجهة نضري انو من الاسم (( نضرة شرعيه ))

خلااااااص انتهى الكلام يعني نضره شرعيه يعني مو شرط يجلس ويطول بالحكي معها خلاص اهم شي يشوفها وتشوفه

ومومن جلسة وحده تقدر تحكم على البنت اصلا هناك امور خافيه وخصوصا وقت الملكه وماتعرفونه من احراج وعدم اخذ الراحه التامه في الحكي



مشكور اخي حمودي وخير الكلام ماقل ودل ووهذا هو رأيي ويعطيك العافيه


اخوك القائد