من بحـر جـده لبحـرك ياخبـر
من جنوب المملكه حـد الكويـت
أفتخـر بالبـدو فيهـا والحضـر
لو وصفت الطيب فيهـم ماقويـت
لي عيون(ن) عشقها ليل وسهـر
في بلادي عن هواهـا ماغتنيـت
أعشق النجمـات فيهـا والبـدر
حبها بالقلـب مادمـت وحييـت
دارت الأيـام ماجـانـي خـبـر
ياحبايـب ليـه عنكـم ماسليـت
لي حبيب(ن) ضاع في زحمة بشر
دوروا عن صاحبي في كل بيـت
قلبي المسكين شـارب لـه بحـر
إنتبه ياقلب مـدري وش جنيـت
المحبـه كلهـا كـذب وغــدر
النهايـه كيـف تهـدم مابنيـت
فيه ناس(ن) تتقن أسلوب المكـر
حسبي الله ,, والله إني ماهقيـت
ماتغيـر قلبهـم قاسـي حـجـر
يوم قلبي في هواهم قـد عطيـت
كم سهـرت الليـل كلـه للفجـر
وكم شكيت من الجروح وكم كنيت
الحذر مطلوب من بعـض الغجـر
لو ضحكة بحيل عنهم مارضيـت
الدروس أنواع من زيـد وعمـر
للحلول أشكال منهم قـد خذيـت
مايفيـد إلا قطاعـه فـي هجـر
لجميع الناس وأول مـن هويـت
قلتهـا يانـاس مـن قـوة قهـر
وإن جرحت أبي السموحه مادريت
الوحـل ماقيـل يشبـه للنـهـر
في الدعاوي كلها بعـت وشريـت
الظـلام الليـل يجـلاه القـمـر
أكتب الأبيـات وأفهـم ماقريـت
لا شمعة النار تخـر لـي جمـر
لي دروب صعاب لآمنـي نويـت
